"Qrupda 9 xal toplamaq tariximizin ən böyük uğurudur. Çətin qrupa düşmüşdük".
Sportnet.az-ın məlumatına görə, bu fikirləri Lüksemburq yığmasının baş məşqçisi Lük Holts 2022-ci il dünya çempionatının seçmə mərhələsi barədə "Tageblatt" nəşrinə açıqlamasında deyib.
52 yaşlı mütəxəssis Azərbaycan millisinə Bakıda 3:1 hesabı ilə qalib gəldikləri matçı xatırlayıb: "Bu qələbə düzgün yolda olduğumuzu göstərdi. Rəqib fiziki cəhətdən bizdən üstün idi. Ancaq oyun baxımından biz daha güclüyük. Onların 1, bizim isə 9 xal toplamağımız hər şeyi deyir".
Qeyd edək ki, İrlandiya ilə birlikdə 9 xala malik Lüksemburq yığması A qrupunda 3-4-cü yerləri bölüşdürüb. Azərbaycan millisi isə seçmə mərhələni 1 xalla sonuncu - 5-ci yerdə başa vurub.
