Futbol üzrə Azərbaycan Kubokunda 1/4 final mərhələsinin ilk oyunlarına yekun vurulub.
Sportnet.az-ın məlumatına görə, son qarşılaşmada "Sumqayıt" evdə "Qəbələ" ilə üz-üzə gəlib.
"Kapital Bank Arena"dakı görüş qonaqların minimal hesablı qələbəsi ilə başa çatıb. Yeganə qolu 26-cı dəqiqədə penaltidən İsnik Alimi vurub. İkinci hissə tamamilə meydan sahiblərinin üstünlüyü şəraitində keçsə də, məğlubiyyətdən qaçmaq mümkün olmayıb.
Komandalar arasında cavab matçı fevralın 13-də Qəbələdə oynanılacaq.
Qeyd edək ki, günün ilk oyununda "Zirə" öz meydanında "Səbail"i darmadağın edib - 4:0. Dünən keçirilmiş matçlarda isə "Qarabağ" evdə "Keşlə"yə 2:0 hesabı ilə qalib gəlib, "Neftçi" isə "Sabah"la bərabərə qalıb.
----------------------------------------------
Futbol üzrə Azərbaycan Kubokunda 1/4 final mərhələsinin daha bir oyunu keçirilib.
Sportnet.az-ın məlumatına görə, günün ilk matçında "Zirə" "Səbail"i qəbul edib. Zirə İdman Kompleksinin stadionunda baş tutan görüş meydan sahiblərinin 4:0 hesablı qələbəsi ilə yekunlaşıb.
Matçda ilk qolu birinci hissənin əsas vaxtına əlavə 2-ci dəqiqədə Məhəmməd Hamdaui vurub. 59-cu dəqiqədə Loris Bronyo fərqi 2 topa çatdırıb. 72-ci dəqiqədə "Zirə"nin yeni transferi Hamidu Keyta qonaqları 3-cü dəfə məyus edib. Son nöqtəni isə 86-cı dəqiqədə Bronyo qoyub. Rəşad Sadıqovun baş məşqçi olduğu kollektiv bu nəticə ilə cütün taleyini böyük ölçüdə həll edib.
Komandalar arasında cavab qarşılaşması fevralın 13-də oynanılacaq.
1/4 finalın ilk oyunlarına bu gün gerçəkləşəcək "Sumqayıt" - "Qəbələ" matçı ilə yekun vurulacaq.
Qeyd edək ki, bu raundun ötən gün keçirilmiş matçlarında "Qarabağ" evdə "Keşlə"yə 1:0 hesabı ilə qalib gəlib, "Neftçi" isə "Sabah"la heç-heçə edib - 1:1.
---------------------------------------------------
Bu gün futbol üzrə Azərbaycan Kubokunda 1/4 final mərhələsinin ilk oyunlarına yekun vurulacaq.
Sportnet.az-ın məlumatına görə, günün ilk matçında "Zirə" "Səbail"i qəbul edəcək. Zirə İdman Kompleksinin stadionunda keçiriləcək qarşılaşma saat 17:00-da başlayacaq. Görüşü Kamal Umudlu idarə edəcək.
Komandaların indiyədək ölkə kubokunda yolları 2 dəfə kəsişib. Hər iki dueldə mərhələni "qartallar" adlayıb. "Dənizçilər" isə qələbə qazana bilməyib. 4 oyununda 3-ü "Zirə"nin xeyrinə başa çatıbsa, 1 görüşdə qalib müəyyənləşməyib. Topların fərqində də Rəşad Sadıqovun baş məşqçi olduğu kollektivin üstünlüyü var - 5:2.
Günün son oyunu ötən mövsümün finalçısı "Sumqayıt"la "Qəbələ" arasında olacaq. "Kapital Bank Arena"dakı qarşılaşma saat 19:15-də start götürəcək. Matçın baş hakimi FIFA referisi Rauf Cabbarov olacaq.
Azərbaycan Kubokunda indiyədək yalnız bir dəfə üz-üzə gələn rəqiblər 2018/2019 mövsümündə finalda görüşüb. Həmin matçda “Qəbələ” bir qolla qalib gəlib.
Azərbaycan Kuboku
1/4 final, ilk oyunlar
2 fevral (çərşənbə)
17:00. "Zirə" – "Səbail" - 4:0
Qollar: Məhəmməd Hamdaui, 45+2. Loris Bronyo, 59; 86. Hamidu Keyta, 72
Hakimlər: Kamal Umudlu, Rəhman İmami, Vüsal Məmmədov, Nicat İsmayıllı
Hakim-inspektor: Orxan Məmmədov
AFFA nümayəndəsi: Erkin Hüseynov
Zirə İdman Kompleksinin stadionu.
19:15. "Sumqayıt" – "Qəbələ" - 0:1
Qol: İsnik Alimi, 26 (pen.)
Hakimlər: Rauf Cabarov, Cavanşir Yusifov, Nahid Əliyev, Fərid Hacıyev
Hakim-inspektor: Ömər Paşayev
AFFA nümayəndəsi: Aslan Şahgəldiyev
"Kapital Bank Arena".
Qeyd edək ki, 1/4 finalın ilk oyun günündə "Qarabağ" evdə "Keşlə"yə 1:0 hesabı ilə qalib gəib, "Neftçi" isə "Sabah"la heç-heçə edib - 1:1.
