"Bu cür qələbələr nə qədər çox olsa, bizim üçün bir o qədər yaxşıdır".
Sportnet.az-ın məlumatına görə, bunu futbol üzrə qadınlardan ibarət Azərbaycan millisinin baş məşqçisi Siyasət Əsgərov Birləşmiş Ərəb Əmirliklərinə 2:0 hesabı ilə qalib gəldikləri yoldaşlıq görüşü barədə danışarkən deyib.
Gənc mütəxəssis yığmanın ardıcıl 3 oyunda meydanı qələbə ilə tərk etdiyini xatırladıb: “Təlim-məşq toplanışımız başa çatdı. Sevindirici haldır ki, bu hazırlıqdan maksimum istifadə edə bildik. İkinci oyunda əsasən az şans qazanan futbolçuları meydana buraxdım. Komandanın oyunundan razı qaldım, hansısa futbolçunu xüsusi fərqləndirmək istəməzdim. Komandanın bütün üzvlərinə təşəkkür edirəm".
Qeyd edək ki, Azərbaycan yığması fevralın 20-də eyni rəqibi 4:0 hesabı ilə üstələyib.
