Türkiyənin həvəskarlardan ibarət "Zara Ekinli Spor" komandasında forma geyinən Sərvət Dündar bir neçə gün öncə bıçaqlanıb. Sportnet.az-ın məlumatına görə, sinəsindən bıçaq zərbəsi alan 16 yaşlı əlcək sahibi 9 gündür şüuru qapalı vəziyyətdə xəstəxanada yatır.
Qaziosmanpaşada yerləşən restoranların birində qohumu ilə yemək yedikdən sonra evinə yollanan qapıçı 5 nəfərin hücumuna məruz qalıb. Onunla birgə olan İsrafil Dündar adlı qohumu zərərsizləşdirildikdən sonra futbolçuya hücum olunub.
Təcili xəstəxanaya yerləşdirilən Dündarın vəziyyətinin ağır olduğu, bıçaq zərbəsinin ürək nahiyyəsinə yaxın 1-2 sm dərinlikdə olduğu aşkarlanıb.
Qeyd edək ki, Sərvət Dündar ötən mövsümü "Beşiktaş"ın 16 yaşlardan ibarət komandasında keçirib.
