UEFA Millətlər Liqasında qrup mərhələsinə yekun vurulub.
Sportnet.az-ın məlumatına görə, A, B və C Liqalarında keçirilən 9 oyunla final və pley-off mərhələsinin bütün iştirakçıları bəlli olub.
A Liqasının 2-ci qrupunda Portuqaliya İspaniya ilə 1-ci yer, İsveçrə isə Çexiya ilə aşağı diviziona düşməmək uğrunda mübarizə aparıb. İspaniyalılar səfər, isveçrəlilər ev qələbəsi ilə istəyinə nail olub. Çexiya isə A Liqasını tərk edib.
B Liqasının 1-ci qrupunda Ukrayna millisi Polşada Şotlandiyanı qəbul edib. Səfərdə qolsuz bərabərliyə nail olan qonaqlar pley-offa adlayıb.
İsrailin liderliyi təmin etdiyi 2-ci qrupda bir görüş baş tutub. İslandiya səfərdə Albaniyanın qonağı olub. Görüş heç-heçə ilə yekunlaşıb.
4-cü qrupda səfərdə Norveçə qalib gələn Serbiya yığması həm A Liqasına, həm də pley-offa vəsiqə əldə edib. Qrupun digər matçında Sloveniya İsveçlə səfərrdə heç-heçə edərək, B Liqasındakı yerini qoruyub. Meydan sahibləri isə aşağı diviziona düşüb.
Nəhayət, C Liqasının 2-ci qrupunda B Divizionuna və pley-offa vəsiqəni daha əvvəl təmin edən Yunanıstan seçməsi evdə Şimali İrlandiyanı məğlub edib. Kosovo doğma meydanda Kipri darmadağın edərək, C Liqasında qalıb. Qonaqlar isə sözügedən divizionu tərk edib.
------------------------------------------
Bu gün UEFA Millətlər Liqasında qrup mərhələsinə yekun vurulacaq.
Sportnet.az-ın məlumatına görə, A, B və C Liqalarında keçiriləcək 9 oyunla final və pley-off mərhələsinin bütün iştirakçıları bəlli olacaq.
A Liqasının 2-ci qrupunda Portuqaliya və İspaniya 1-ci yer, İsveçrə ilə Çexiya isə aşağı diviziona düşməmək uğrunda mübarizə aparacaq. Bu duellərdə Portuqaliya və İsveçrəni heç-heçə də qane edəcək. İspaniya və Çexiya isə mütləq qələbə qazanmalıdır.
B Liqasının 1-ci qrupunda Ukrayna millisi Polşada Şotlandiyanı qəbul edəcək. Nominal meydan sahibləri A Liqasına və pley-offa adlamaq üçün rəqibini məğlub etməlidir.
İsrailin liderliyi təmin etdiyi 2-ci qrupda bir görüş baş tutacaq. İslandiya səfərdə Albaniyanın qonağı olacaq.
4-cü qrupda Norveç yığması evdə Serbiya ilə qarşılşacaq. Hazırda hər iki kollektiv 10 xala malik olsa da, Skandinaviya təmsilçisi şəxsi oyunlarda üstünlüyü malik olduğundan ilk pillədə qərarlaşıb. Odur ki, serbiyalılar səfərdə mütləq qalib gəlməlidirlər. Qrupun digər matçında Sloveniya səfərdə İsveçlə qarşılşacaq. B Liqasında qalmaq üçün qonaqlara heç-heçə də kifayət edəcək.
Nəhayət, C Liqasının 2-ci qrupunda B Divizionuna və pley-offa vəsiqəni ötən tur təmin edən Yunanıstan seçməsi Şimali İrlandiyanı, Kosovo isə Kipri sınağa çəkəcək. Burada əsas mübarizə 3 komanda arasında C Liqasında qalmaq uğrunda gedəcək.
UEFA Millətlər Liqası
Qrup mərhələsi, VI tur
27 sentyabr
A Liqası
2-ci qrup
22:45. Portuqaliya - İspaniya - 0:1
Qol: Alvaro Morata, 88
22:45. İsveçrə - Çexiya - 2:1
Qollar: Remo Froyler, 29, Brel Embolo, 30 - Patrik Şik, 45
Xal durumu: İspaniya - 11, Portuqaliya - 10, İsveçrə - 9, Çexiya - 4
B Liqası
22:45. Ukrayna - Şotlandiya - 0:0
22:45. İrlandiya - Ermənistan - 3:2
Qollar: Con İqan, 18. Maykl Obafemi, 52. Robbi Breydi, 90+1 (pennalti) - Artak Daşyan, 71. Eduard Spertsyan, 73
Qırmızı vərəqələr: Ohanes Ambartsumyan, 89. Artak Daşyan, 90 (hər ikisi Ermənistan)
Xal durumu: Şotlandiya - 13, Ukrayna - 11, İrlandiya - 7, Ermənistan - 3
2-ci qrup
22:45. Albaniya - İslandiya - 1:1
Qollar: Ermir Lenyani, 35 - Mikael Anderson, 90+7
Qırmızı vərəqə: Aron Qunnarsson, 11 (İslandiya)
Xal durumu: İsrail - 8, İslandiya - 4, Albaniya - 2, Rusiya* - 0
4-cü qrup
22:45. İsveç - Sloveniya - 1:1
Qollar: Emil Forsberq, 42 - Benyamin Şeşko, 28
22:45. Norveç - Serbiya - 0:2
Qollar: Duşan Vlahoviç, 42. Aleksandar Mitroviç, 54
Xal durumu: Serbiya - 13, Norveç - 10, Sloveniya - 6, İsveç - 4
C Liqası
2-ci qrup
22:45. Yunanıstan - Şimali İrlandiya - 3:1
Qollar: Dimitris Pelkas, 14. Giorqos Masuras, 55. Petros Mantalos, 80 - Şeyn Leyveri, 18
22:45. Kosovo - Kipr - 5:1
Qollar: Florent Musliya, 22. Donat Rudani, 45+1. Elbasan Raşani, 47. Vedat Muriki, 52; 84 - Valenten Roberj, 81
Xal durumu: Yunanıstan - 15, Kosovo - 9, Şimali İrlandiya - 5, Kipr - 5.
