"Qəbələ" və "Qarabağ" arasındakı Misli Premyer Liqasının IX tur matçı iki komandanın 68-ci duel olacaq.
Sportnet.az xəbər verir ki, indiyədək 67 dəfə qarşılaşan rəqiblərin oyunlarında 12 dəfə qalib gələn “qırmızı-qaralar” 20 qarşılaşmada heç-heçə edib. Digər 35 matçda isə Ağdam təmsilçisi qələbə qazanıb. 52 qol vuran əyalət klubu öz qapısından 107 top buraxıb.
Ölkə kubokunda 13 matça çıxan rəqiblər Premyer Liqada 55-ci dəfə üz-üzə gələcək. Çempionatda 10 qələbəsi olan "Qəbələ" 15 dəfə meydanı sülhlə tərk edibsə, 29 dəfə uduzub. Rəqib qapısına 43 dəfə yol tapan “qırmızı-qaralar” 85 top buraxıb.
“Qəbələ” 34-cü dəfə “Qarabağ”ı qəbul edəcək. Bu komanda əvvəlki ev oyunlarında 8 qələbə qazanıb, 11 heç-heçə edib və 14 dəfə uduzub. Bu görüşlərdə rəqib qapısından 30 top keçirən "qırmızı-qaralar 44 qola üzülüb.
Xatırladaq ki, oktyabrın 9-da baş tutacaq “Qəbələ” – “Qarabağ” oyunu saat 17:00-da başlayacaq.
