Misli Premyer Liqasında IX tura yekun vurulub.
Sportnet.az-ın məlumatına görə, I dövrənin son turunun axırıncı matçında "Sabah" evdə "Kəpəz"lə qarşılaşıb. "Bank Respublika Arena"dakı görüş meydan sahiblərinin 5:0 hesablı qələbəsi ilə başa çaıtb.
Paytaxt təmsilçisindən qolları 22-ci dəqiqədə Coy Lens Mikels, 39 və 52-ci dəqiqələrdə Aleksey Kaşuk, 42-ci dəqiqədə Anatoli Nuriyev və 82-ci dəqiqədə Namik Ələskərov vurub.
Bu nəticədən sonra xallarını 23-ə çatdıran "Sabah" 2-ci pillədəki mövqeyini qoruyub. 4 xalı olan "Kəpəz" isə 8-ci sırada yer alıb.
Qeyd edək ki, turun əvvəlki oyunlarında "Zirə" evdə "Şamaxı"nı, "Səbail" "Sumqayıt"ı , "Qarabağ" səfərdə "Qəbələ"ni 1:0 hesabı ilə məğlub edib, "Neftçi" isə "Turan Tovuz"la qolsuz heç-heçəyə razılaşıb.
--------------------------------
Misli Premyer Liqasında IX turun daha bir oyunu keçirilib.
Sportnet.az-ın məlumatına görə, "Qarabağ" Qəbələdə eyniadlı komandanın qonağı olub. Görüş "köhlən atlar"ın 1:0 hesablı qələbəsi ilə başa çatıb. Yeganə qolu 58-ci dəqiqədə Filip Ozobiç vurub.
27-ci dəqiqədə Ağdam klubundan Leandro Andrade zədələnərək yerini İsmayıl İbrahimliyə verib. 43-cü dəqiqədə isə "qırmızı-qaralar"dan İlkin Qırtımov birbaşa qırmızı vərəqə ilə meydandan qovulub.
Beləliklə, 8 oyundan maksimum xal toplayan "Qarabağ" turnir cədvəlinə başçılıq edir. 9 turdan sonra 15 xalı olan "Qəbələ" isə 5-ci sırada qərarlaşıb.
Qeyd edək ki, turun əvvəlki oyunlarında "Zirə" evdə "Şamaxı"nı, "Səbail" "Sumqayıt"ı 1:0 hesabı ilə məğlub edib, "Neftçi" isə "Turan Tovuz"la qolsuz heç-heçəyə razılaşıb. Tura bu gün keçiriləcək "Sabah" - "Kəpəz" və "Qəbələ" - "Qarabağ" oyunları ilə yekun vurulacaq.
----------------------------------
Bu gün Misli Premyer Liqasında IX turun son iki oyunu keçiriləcək.
Sportnet.az-ın məlumatına görə, bununla da ölkə çempionatında I dövrəyə yekun vurulacaq.
Günün ilk matçı Qəbələdə eyniadlı komanda ilə "Qarabağ" arasında olacaq. 7 görüşdən 21 xal toplayan "köhlən atlar" turnir cədvəlinə başçılıq edir. "Qırmızı-qaralar" isə 15 xalla 5-cidir.
İki komanda indiyədək Premyer Liqada 54 dəfə üz-üzə gəlib. Bunların 10-da "Qəbələ", 29-da "Qarabağ" qələbə qazanıb. 15 qarşılaşmada qalib müəyyənləşməyib. Topların nisbəti də Ağdam klubunun xeyrinədir - 85:43.
“Qarabağ” 16 oyundur rəqibinə uduzmur. “Qəbələ” son iki matçda xal qazanmayıb.
Tura "Sabah" - "Kəpəz" matçı ilə yekun vurulacaq. Hazırda meydan sahibləri 19 xalla ikinci pillədə qərarlaşıb. 4 xalı olan qonaqlar isə 8-ci yerdə gedir.
Komandalar indiyədək ölkə çempionatında qarşılaşmayıblar.
Misli Premyer Liqası
IX tur
9 oktyabr (bazar)
17:00. “Qəbələ” – “Qarabağ” - 0:1
Qol: Filip Ozobiç, 58
Qırmızı vərəqə: İlkin Qırtımov, 43 ("Qəbələ")
Hakimlər: Nicat İsmayıllı, Cavanşir Yusifov, Müslüm Əliyev, Vüqar Həsənli
Hakim-inspektor: Anar Salmanov
AFFA nümayəndəsi: Erkin Hüseynov
Qəbələ şəhər stadionu
19:30. “Sabah” – “Kəpəz” - 5:0
Qollar: Coy Lens Mikels, 22. Aleksey Kaşuk, 39; 52. Anatoli Nuriyev, 42. Namik Ələskərov, 82
Hakimlər: Rəşad Əhmədov, Zeynal Zeynalov, Eyyub İbrahimov, Əli Əliyev
Hakim-inspektor: Ramil Diniyev
AFFA nümayəndəsi: Əsgər Əmirəliyev
“Bank Respublika Arena"
