UEFA Avropa Liqasının qrup mərhələsində “Qarabağ” və Yunanıstan “Olimpiakos”u arasında keçiriləcək IV tur matçına bir günə 22 min bilet satılıb.
Sportnet.az xəbər verir ki, bu barədə Ağdam klubu məlumat yayıb. Biletlərin qiyməti müvafiq olaraq 5, 20, 30, 75 və 100 manat təşkil edir.
Satış məntəqələri Tofiq Bəhramov adına Respublika stadionun kassalarında (11:00-dan 20:00-dək), iTicket.az-ın satış məntəqələrində (iticket.az-da onlayn satış), Park Bulvardakı “Qarabağ” FK-nın Fan-Şopunda (11:00-dan 20:00-dək), eləcə də 28 Mall və Gənclik Mall ticarət mərkəzlərində (11:00-22:00) açılıb.
Qeyd edək ki, oktyabrın 13-də Tofiq Bəhramov adına Respublika stadionunda keçiriləcək "Qarabağ" - "Olimpiakos" matçı saat 20:45-də başlanacaq.
