Qarabağ"ın Avropa Liqasının qrup mərhələsindəki rəqiblərindən olan "Olimpiakos" komandası Yunanıstan Super Liqasında IX tur oyununa çıxıb.
Sportnet.az xəbər verir ki, "Panetolikos"la səfər qarşılaşmasında 2:0 hesablı qələbə qazanıb.
Qolları Pep Biel 50-ci, Matyö Valbuena 82-ci dəqiqədə vurub.
Bununla da xalını 17-yə çatdıran "Olimpiakos" turnir cədvəlinin 4-cü pilləsində qərarlaşıb. Siyahıya 24 xalla (8 oyun) "Panatinaikos" başçılıq edir.
Qeyd edək ki, "Qarabağ" "Olimpiakos"u Yunanıstanda 3:0 hesabı ilə məğlub edib. Komandalar arasında Bakıda keçirilən ikinci oyun isə qolsuz bərabərliklə başa çatıb.
