Misli Premyer Liqasında XIV turun daha bir oyunu keçirilib.
Sportnet.az-ın məlumatına görə, "Neftçi" "Bakcell Arena"da "Qəbələ"ni qəbul edib. Görüş "ağ-qaralar"ın 2:0 hesablı qələbəsi ilə yekunlaşıb.
Hesabı 24-cü dəqiqədə Kenni Sayef açıb. Rəhman Hacıyev isə 76-cı dəqiqədə son nöqtəni qoyub.
Bu qələbədən sonra xallarını 29-a çatdıran "Neftçi" 3-cü pillədəki mövqeyini qoruyub. 20 xalı olan "Qəbələ" isı 5-ci sırada qərarlaşıb.
Qeyd edək ki, turun əvvəlki matçlarında "Şamaxı" evdə "Sumqayıt"ı 4:2, "Zirə" isə "Səbail"i 1:0 hesabı ilə məğlub edib. Tura noyabrın 13-də keçiriləcək "Kəpəz" - "Turan Tovuz" və "Sabah" - "Qarabağ" oyunları ilə yekun vurulacaq.
-----------------------------------
Futbol üzrə Azərbaycan Premyer Liqasında XIV turun daha bir oyunu keçirilib.
Sportnet.az-ın məlumatına görə, "Zirə" öz meydanında "Səbail"i qəbul edib. Görüşün taleyini 1 qol həll edib. 73-cü dəqiqədə Rəhim Sadəxovun vurduğu qol "qartallar"a qələbə qazandırıb.
Rəşad Sadıqovun baş məşqçi olduğu komanda bu nəticədən sonra xallarını 22-yə çatdıraraq, 4-cü pilləyə yüksəlib. 10 xalı olan "Səbail" isə 7-ci sırada qalıb.
Günün ikinci matçında "Neftçi" "Bakcell Arena"da "Zirə"ni sınağa çəkəcək.
Qeyd edək ki, turun açılış oyununda "Şamaxı" evdə "Sumqayıt"a 4:2 hesabı ilə qalib gəlib. Tura noyabrın 13-də keçiriləcək "Kəpəz” – “Turan Tovuz” və “Sabah” – “Qarabağ" görüşləri ilə yekun vurulacaq.
-----------------------------------
Misli Premyer Liqasında bu gün XIV turun daha iki oyunu keçiriləcək.
Sportnet.az-ın məlumatına görə, hər iki matç paytaxtda baş tutacaq.
Günün ilk qarşılaşmasında "Zirə" "Səbail"i qəbul edəcək. Meydan sahibləri 19 xalla beşinci, qonaqlar 10 xalla 7-ci pillədə qərarlaşıb. Komandalar indiyədək Premyer Liqada 20 dəfə üz-üzə gəliblər. Bunların 13-də "qartallar", 3-də "dənizçilər" qələbə qazanıblar. Topların nisbətində də "Zirə"nin aşkar üstünlüyü var - 29:12.
Günün ikinci matçında "Neftçi" "Qəbələ" ilə üz-üzə gələcək. "Ağ-qaralar" 26 xalla üçüncü, Qəbələ təmsilçisi 20 xalla dördüncü yerdədir. Tərəflər ölkə çempionatlarında 56 dəfə qarşılaşıblar. Bunların 26-da paytaxt klubu, 17-də qonaqlar meydanı 3 xalla tərk edib. Topların nisbətində də "Neftçi" öndədir - 84:67.
Misli Premyer Liqası, XIV tur
12 noyabr (şənbə)
16:00. “Zirə” – “Səbail” - 1:0
Qol: Rəhim Sadıxov, 73
Hakimlər: Vüqar Həsənli, Cəmil Quliyev, Eyyub İbrahimov, Cavid Cəlilov
Hakim-inspektor: Asim Xudiyev
Zirə İdman Kompleksinin stadionu.
18:30. “Neftçi” – “Qəbələ” - 2:0
Qollar: Kenni Sayef, 24. Rəhman Hacıyev, 76
Hakimlər: Nicat İsmayıllı, Namiq Hüseynov, Rəhman İmami, Rövşən Rəcəbov
Hakim-inspektor: Feyzulla Feyzullayev
“Bakcell Arena”.
Qeyd edək ki, turun ilk görüşündə "Şamaxı" "Sumqayıt"ı 4:2 hesabı ilə məğlub edib. Turun “Kəpəz” – “Turan Tovuz” və “Sabah” – “Qarabağ” matçları isə noyabrın 13-də keçiriləcək.
