İngiltərə "Lester"i baş məşqçisi Brendan Rocerslə yolları ayırıb.
Sportnet.az klubun saytına istinadən xəbər verir ki, 50 yaşlı mütəxəssislə müqavilə qarşılıqlı razılaşma əsasında ləğv edilib.
Rocers 2019-cu ildən "Lester"i çalışdırırdı. Onun rəhbərliyi altında komanda İngiltərə kubokunu (2020/21) və İngiltərə superkubokunu (2021) qazanıb.
Qeyd edək ki, "Lester" Premyer Liqanın cədvəlində hazırda 25 xalla 19-cu yerdədir.
Xatırladaq ki, dünən Premyer Liqanın digər təmsilçisi "Çelsi" də baş məşqçisi Qrem Potteri istefaya göndərdiyini elan edib.
