Futbol üzrə Azərbaycan millisi 2024-cü ildə ilk oyununa çıxıb.
Sportnet.az-ın məlumatına görə, yığma “FIFA series–Edition 2024” layihəsi çərçivəsində keçirilən yoldaşlıq görüşündə Monqolustanla üz-üzə gəlib.
Tofiq Bəhramov adına Respublika stadionunda reallaşan qarşılaşma yığmamızın üstünlüyü şəraitində keçib. Komandamız qələbə topunu 90+1-ci dəqiqədə vurub. Standart vəziyyətdən ötürməni Bəhlul Mustafazadə başla qola çevirib. Bununla da yığmamız 1:0 hesablı qələbə qazanıb.
Qeyd edək ki, Azərbaycan millisi növbəti oyununu eyni arenada Bolqarıstana qarşı keçirəcək.
__________________________________
İlk dəfə Bakıda təşkil olunan futbol üzrə “FIFA series – Edition 2024” turnirinə bu gün start veriləcək.
Sportnet.az xəbər verir ki, Azərbaycan millisi birinci görüşünə çıxacaq.
Arif Əsədovun rəhbərlik etdiyi komanda Monqolustan seçməsini qəbul edəcək. Tofiq Bəhramov adına Respublika stadionunda baş tutacaq qarşılaşma saat 20:00-da start götürəcək.
Qeyd edək ki, digər matçda Bolqarıstanla Tanzaniya üz-üzə gələcəklər. “Liv Bona Dea Arena”da təşkil olunacaq bu oyun saat 17:00-da başlayacaq.
“FIFA series – Edition 2024”
22 mart
20:00. Azərbaycan – Monqolustan - 1:0
Qol: Bəhlul Mustafazadə, 90+1
Baş hakim: Zorbay Küçük (Türkiyə)
Bakı, Tofiq Bəhramov adına Respublika stadionu
