Rusiya Premyer Liqasının II turunda keçirilən "Dinamo" - "Spartak" oyunu bir dəqiqəlik sükutla başlayıb. Sportnet.az-ın məlumatına görə, "Dinamo" yaxın günlərdə vəfat edən keçmiş futbolçusu Ələkbər Məmmədovun xatirəsini anıb.
Qeyd edək ki, mərhum Ələkbər Məmmədov 1954—1959 illərində Moskvanın "Dinamo" komandasında oynamışdır. SSRİ-nin yüksək liqasında 185 oyun keçirmiş, 56 qol vurmuşdur. 1954, 1955, 1957, 1959-cu illərdə SSRİ çempionu olmuşdur. O, Moskva klubunun əfsanəvi futbolçularından olub.
