İdman Araşdırmalar Mərkəzinin təşkilatçılığı, "Kolizey İnşaat"ın baş sponsorluğu və Sportnet.az-ın informasiya dəstəyi ilə Çempionlar Liqası ilə bağlı keçirilən "Çempion" yarışmasında 1/4 final cütlərinin tərkibi məlum olub. Bu, Çempionlar Liqasının 1/4 final mərhələsinin püşkatmasından sonra müəyyənləşib.
Veteran futbolçu Nazim Süleymanovla dueldən qalib ayrılan "Bakı"nın sabiq icraçı direktoru Yaşar Seyidov Fanat.az saytının əməkdaşı Ceyhun Əliyevə rəqib olub. FİFA referisi Əliyar Ağayev Qafqazinfo.az saytının əməkdaşı Elsevər Məmmədovla üz-üzə gələcək. ANS əməkdaşı Vüsal Süleymanovun bəxtinə Futbol Veteranları İttifaqının sədri Oqtay Abdullayev çıxıb. Nəhayət, ATV-dən Sənan Şəfizadə ilə "Qəbələ" İK qəzetinin əməkdaşı Mehman Süleymanov arasında jurnalist derbisi baş tutacaq.
Sənan Şəfizadə (PSJ) - Mehman Süleymanov ("Barselona")
Ceyhun Əliyev ("Atletiko") - Yaşar Seyidov ("Real Madrid")
Vüsal Süleymanov ("Portu") - Oqtay Abdullayev ("Bavariya")
Əliyar Ağayev ("Yuventus") - Elsevər Məmmədov ("Monako")
Qeyd edək ki, Çempionlar Liqasında 1/4 final mərhələsinin ilk oyunları 14-15 apreldə, cavab qarşılaşmaları 21-22 apreldə keçiriləcək. Aprelin 24-də Nyonda yarımfinal mərhələsinin püşkü atılacaq. Final qarşılaşması iyunun 6-da Almaniyanın paytaxtı Berlindəki "Olimpiastadion"da baş tutacaq.
