İdman Arbitraj Məhkəməsi (CAS) rusiyalı tennisçi Mariya Şarapovanın 2 illik diskvalifikasiyadan apellyasiyasiyası üzrə qərarı təxirə salıb. Sportnet.az-ın məlumatına görə, tərəflərə dinləmələrə hazırlıq üçün əlavə vaxt lazım gəlib.
Habelə, cədvəlin tərtib olunması zamanı münaqişələr yaranıb. Şarapova işi ilə bağlı qərar sentyabrın 19-da çıxarılacaq. Beləliklə, rusiyalı tennisçi 5 - 21 avqustda keçiriləcək 2016-cı il Rio-de-Janeyro Yay Olimpiya Oyunlarını buraxmalı olacaq.
Qeyd edək ki, Mariya Şarapova orqanizmindən meldonium preparatı aşkarlandığı üçün cəzaya məruz qalıb.
