Gürcüstanın "Dinamo" (Tiflis) komandası "Qəbələ" ilə Avropa Liqasının I təsnifat mərhələsindəki cavab oyununa itkilərlə çıxacaq. Sportnet.az-ın məlumatına görə, bu barədə komandanın baş məşqçisi Giya Qequçadze açıqlama verib.
O bildirib ki, həmin oyunçular Georgi Qvelesiani ilə Nika Çanturiyadır. Qvelesiani ilk görüşdə aldığı qırmızı vərəqə üzündən təkrar qarşılaşmanı buraxacaq. Çanturiya isə zədəlidir. O, Tiflisdəki qarşılaşmada da oynamayıb.
Qeyd edək ki, Qəbələ şəhər stadionunda keçiriləcək cavab görüşü saat 21:00-da başlanacaq. İlk matçda "Dinamo" qalib gəlib - 2:1.
