Karate üzrə dəfələrlə Rusiya çempionu olmuş Stepan Makarov cərəyan vurması nəticəsində dünyasını dəyişib. Sportnet.az-ın Rusiya Karate Federasiyasına istinadən məlumatına görə, hadisə 21 yaşlı idmançının Novosibirsk vilayətinin Tolmaçevo kəndindəki evində baş verib.
Makarov işıq dirəyindən sallanan yüksəkvoltlu xəttə ilişib. Nəticədə bədbəxt hadisə baş verib.
Qeyd edək ki, Stepan Makarov Rusiya birinciliklərində dəfələrlə qalib olub. O, təlimatçı kimi də çalışıb və 2012-ci ildə idman ustası adını alıb.
