İdman Araşdırmalar Mərkəzinin təşkilatçılığı, Sportnet.az-ın informasiya dəstəyi və "Kolizey İnşaat”ın sponsorluğu ilə FUTPROQNOZ yarışmasında daha bir 1/8 finalçı müəyyənləşib. Növbəti mərhələyə yüksələn iştirakçının adına Sportnet.az-ın ofisində atılan püşk nəticəsində aydınlıq gəlib.
Növbəti püşk iki iştirakçı – həm İlkin Fikrətoğlu (ATV), həm də Sənan Abdullayevin ("Xəzər" TV) E qrupunda finiş xəttinə 2 xalla çatmaları səbəbindən atılıb. Qrup qalibi adını 3 xalla "Qəbələ"nin futbolçusu Ruslan Əmircanov qazandığından, 2-ci pillənin sahibi televiziya əməkdaşları arasından seçilməli olub. Bu məqsədlə hər iki həmkarımız ofisə dəvət olunub. İlkin Fikrətoğlu üzürlü səbəbdən gələ bilməyib. Nəticədə 1/8 finalçını Sənan Abdullayev müəyyənləşdirib.
Növbəti püşk iki iştirakçı – həm İlkin Fikrətoğlu (ATV), həm də Sənan Abdullayevin ("Xəzər" TV) E qrupunda finiş xəttinə 2 xalla çatmaları səbəbindən atılıb. Qrup qalibi adını 3 xalla "Qəbələ"nin futbolçusu Ruslan Əmircanov qazandığından, 2-ci pillənin sahibi televiziya əməkdaşları arasından seçilməli olub. Bu məqsədlə hər iki həmkarımız ofisə dəvət olunub. İlkin Fikrətoğlu üzürlü səbəbdən gələ bilməyib. Nəticədə 1/8 finalçını Sənan Abdullayev müəyyənləşdirib.
Qaydaya əsasən, 2 kürəciyin içərisinə püşk iştirakçılarının təmsil etdikləri Fransa və İsveçrənin adları yazılan kağızlar qoyulub. "Xəzər" TV-nin əməkdaşı özünün təmsil etdiyi Fransanı çıxarsaydı, adını 1/8 finalçılar sırasına daxil edəcək, əks halda isə Fikrətoğlunun qarşısında "yaşıl işıq" yandircaqdı. Amma Abdullayevin əl atdığı kürəcikdən İsveçrə çıxıb. Nəticədə o, növbəti mərhələyə vəsiqəni öz əli ilə ATV-li həmkarına bəxş edib.
Püşkatmadan sonra Sənan Abdullayev deyib: "İndiyədək həyatımda 1-2 dəfə oyunlara pul qoyuluşu etmişəm. Amma etiraf edim ki, 2-ci turdan etibarən səhər tezdən saytınıza daxil olub, turnir cədvəlindəki mövqeyimi öyrənməyə çalışırdım. Yarışma olduqca maraqlı keçir. Çünki futbol adamları, həmkarlarımla yarışmaq və nəyə qadir olduğumu öyrənmək üçün əla fürsət qazandım. Kiminləsə yarışmada qalib gəldikdə şox sevinirdim. Püşkatmanın ədalətli keçdiyini söyləməliyəm. Həmkarım İlkin Fikrətoğluna isə daha da irəli getməyi arzulayıram".
İlkin Fikrətoğlu isə qalib olduğunu öyrəndikdən sonra fikirlərini belə ifadə edib: "Sənan Abdullayevə həm jurnalist, həm də insan kimi böyük hörmətim olduğundan, belə bir situasiyalarda onunla üz-üzə gəlmək istəməzdim. Hətta tam səmimi deyirəm: yarışmadan Abdullayevin xeyrinə geri çəkilmək fikrində idim. Amma təşkilatçılar dedilər ki, hər oyunun öz qayda-qanunu var. Xallarınız və əlavə göstəriciləriniz bərabər olduğundan, qalib püşklə müəyyənləşməlidir. Bu, sırf bəxt və intuisiyadan asılı olan yarışmadır. Elə alındı ki, püşkatma nəticəsində bəxt mənim üzümə güldü. Qardaşımız Sənandan halallıq istəyirəm. Çalışacağam ki, növbəti mərhələlərdə də medianı bacardığım qədər yaxşı səviyyədə təmsil edim. Təbii ki, şansın köməkliyi ilə. Çünki burada hər şey məndən asılı deyil".
Qeyd edək ki, İlkin Fikrətoğlu 1/8 finalda F qrupunu 1-ci pillədə başa vurmuş Oqtay Abdullayevlə üz-üzə gələcək. E qrupunun lideri Ruslan Əmircanov isə G qrupunun 2-cisi Yaşar Seyidovla qarşılaşacaq.
Ceyhun ƏLİYEV
İlkin Fikrətoğlu isə qalib olduğunu öyrəndikdən sonra fikirlərini belə ifadə edib: "Sənan Abdullayevə həm jurnalist, həm də insan kimi böyük hörmətim olduğundan, belə bir situasiyalarda onunla üz-üzə gəlmək istəməzdim. Hətta tam səmimi deyirəm: yarışmadan Abdullayevin xeyrinə geri çəkilmək fikrində idim. Amma təşkilatçılar dedilər ki, hər oyunun öz qayda-qanunu var. Xallarınız və əlavə göstəriciləriniz bərabər olduğundan, qalib püşklə müəyyənləşməlidir. Bu, sırf bəxt və intuisiyadan asılı olan yarışmadır. Elə alındı ki, püşkatma nəticəsində bəxt mənim üzümə güldü. Qardaşımız Sənandan halallıq istəyirəm. Çalışacağam ki, növbəti mərhələlərdə də medianı bacardığım qədər yaxşı səviyyədə təmsil edim. Təbii ki, şansın köməkliyi ilə. Çünki burada hər şey məndən asılı deyil".
Qeyd edək ki, İlkin Fikrətoğlu 1/8 finalda F qrupunu 1-ci pillədə başa vurmuş Oqtay Abdullayevlə üz-üzə gələcək. E qrupunun lideri Ruslan Əmircanov isə G qrupunun 2-cisi Yaşar Seyidovla qarşılaşacaq.
Ceyhun ƏLİYEV
