Transfer fəaliyyətini davam etdirən AZAL heyətinə daha iki futbolçu qatıb. Sportnet.az-ın klub saytına istinadən verdiyi məlumata görə, sonuncu klubu Ukrayna "Metalluq"u (Donetsk) olan Hamid Yasinlə dünən müqavilə imzalanıb.
22 yaşlı hücumçu iki il müddətində "təyyarəçilər"in heyətində çıxış edəcək. Ukraynanın U-16, U-17 və U-18 milli komandalarının da formasını geyən Yasin misir əsilli olsa da, onun onun ögey atası azərbaycanlıdır.
Digər futbolçu isə gürcü Aleksandr Qurulidir. Mərkəz yarımmüdafiəçisi mövqeyində çıxış edən Quruli 1 illik müqaviləyə qol çəkib.
