"Meydanda belə mübarizə lazım idi. Hər bir oyunçudan razı qaldım. Qələbəyə rəğmən, həqiqətən də çox sürətli komandaya qarşı oynadıq. Hər bir futbolçuya sağ ol deyirəm, azarkeşləri və rəhbərliyi təbrik edirəm. Azarkeşlərimizi sevindirə bildik. Çox şadam ki, onlara bir neçə günlük sevinc bəxş edə bildik". Suallarınızdan sizin də həyəcanlı olduğunuzu hiss edirdik. Çox şadam". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov Belçika "Anderlext"inə 1:0 hesabı ilə qalib gəldikləri Avropa Liqasının qrup mərhələsinin II tur matçından sonra deyib.
Ardından 43 yaşlı mütəxəssis jurnalistlərin suallarını cavablandırıb.
Ardından 43 yaşlı mütəxəssis jurnalistlərin suallarını cavablandırıb.
- Şehiç hələ də istənilən səviyyədə oyun göstərə bilmir...
- Bir insanın üzərinə çox gedəndə öz istedadını, potensialını itirə bilər. O, həmin Şehiçdir ki, qələbə qazanmağımızda dəfələrlə böyük rolu olub. Səhv kimdə olmayıb. Gəlin, bu suala qayıtmayaq. Ona güvənmək, potensialı olduğu üçün şərait yaratmaq lazımdır. Bir-iki texniki səhvi var, onu da aradan qaldıracaq.
- "Anderlext"in standart vəziyyətləri zamanı irəlidə 3 oyunçu saxlamağınız nə ilə əlaqədar idi?
- Rəqibin fiziki göstəriciləri yüksək idi. Onların hər hücumu zamanı 3 oyunçunu irəlidə saxlayırdım. Onların ən real qol epizodları standart vəziyyətlərdən idi. Çox şükür ki, qol buraxmadıq. Ötən mövsüm "Sent-Etyen"lə matçda xeyli hücumumuz olsa da, qalib gələ bilməmişdik. "Tottenhem" və "Monako"nu hələ görməmişik. "Anderlext" kimi səviyyəli komandaya qarşı minimum 45 dəqiqə mübarizə apara bildik.
- Rəqibin fiziki göstəriciləri yüksək idi. Onların hər hücumu zamanı 3 oyunçunu irəlidə saxlayırdım. Onların ən real qol epizodları standart vəziyyətlərdən idi. Çox şükür ki, qol buraxmadıq. Ötən mövsüm "Sent-Etyen"lə matçda xeyli hücumumuz olsa da, qalib gələ bilməmişdik. "Tottenhem" və "Monako"nu hələ görməmişik. "Anderlext" kimi səviyyəli komandaya qarşı minimum 45 dəqiqə mübarizə apara bildik.
- Ot örtüyünün durumundan razı qaldınız?
- Meydanın vəziyyəti "Yanq Boyz"la müqayisədə yaxşı idi. İkinci hissədə topla davranmada problem yarandı. Amma inanıram ki, gələcəkdə ot örtüyü daha yaxşı vəziyyətdə olacaq.
- Rəqibin oyunu sizi təəccübləndirmədi?
- Rəqib oynadı, biz də öz oyunumuzu sərgiləmək üçün onların qarşısını almağa çalışdıq. Bunun üçün meydanın mərkəzində pressinq etdik. Rəqib 0:1 hesabı ilə uduzduqdan sonra uzun ötürmələrlə oynamağa başladılar. Buna bizim hazırlığımız var idi. Minimum 2 futbolçumuz onların qarşısında olurdu. Belə balanslaşdırılmış komanda nadir hallarda olur. "Anderlext" seleksiya işində çox güclüdür. Çox şükür ki, düşüncələrimizin çoxu həyata keçdi.
- "Qarabağ"ın ən zəif cəhətinin standart vəziyyətlərlə bağlı olduğu fikri ilə razısınız?
- Künc zərbələrindən qolları hamı buraxır. Nə qədər ucaboy müdadiəçi gətirsək, bunun qarşısını almağa söz verə bilmərəm. Amma qəbul edirəm ki, standart vəziyyətlər sarıdan problemlərimiz var. Bunun da qarşısını almaq üçün əlimizdən gələni edirik.
- İkinci hissədə 5 müdafiəçiyə keçməyiniz nə ilə əlaqədar idi?
- Oyunun gedişində uzun ötürmələrlə oynamağa başladılar. Ona görə də 5 müdafiəçiyə keçdik. Bununla belə yenə qol epizodları yaratdıq. Oyun tələb edirdi.
Sonda Qurban Qurbanov "Qəbələ"yə də Rusiya "Tottenhem"i ilə qarşılaşmada uğurlar arzulayıb.
