"Qarabağ" klubunun baş məşqçisi Qurban Qurbanov son zamanlar səhvləri ilə yadda qalan qapıçı İbrahim Şehiçin danışmasına qadağa qoyub. Sportnet.az-ın məlumatına görə, bu barədə Belçika "Anderlext"i ilə Avropa Liqası matçından sonra bosniya və herseqovinalı qolkiperin özü açıqlama verib.
O deyib: "Baş məşqçimiz mənə danışmağa icazə vermir. Ona görə üzrlü sayın".
Qeyd edək ki, İbrahim Şehiç "Anderlext"lə qarşılaşmada da kobud səhvlərə yol verib. Xoşbəxtlikdən, "Qarabağ" qapısında qol görməyib və 36-cı dəqiqədə Riçard Almeyda rəqibi məyus edərək, komandasına qələbə qazandırıb - 1:0.
