"CBC Sport" telekanalı noyabradək tam proqramla yayıma çıxacaq. Sportnet.az-ın məlumatına görə, bu barədə "Report"a telekanalın baş direktoru İlham Rüstəmov açıqlama verib.
İ.Rüstəmov bildirib ki, hazırda bununla bağlı tamamlama işləri görülür. Baş direktor efir şəbəkəsinin genişləndirilməsi istiqamətində də çalışdıqlarını açıqlayıb: "Bu həftədən etibarən Azərbaycan Premyer Liqasının bütün oyunlarını canlı yayımlayacağıq. Artıq ikinci səyyar telestansiyamız da alınıb. Eyni zamanda, 3 milli federasiya ilə əməkdaşlığa dair razılığa gəlmişik".
Telekanalın rəhbəri yeniliklər barədə vaxtaşırı ictimaiyyəti məlumatlandıracaqlarını da əlavə edib.
Qeyd edək ki, "CBC Sport" hazırda test yayımı ilə efirə çıxır.
