"Xəzər Lənkəran" qış təlim-məşq toplanışını xaricdə keçirməyəcək. Bu barədə Sportnet.az-a klubun vitse-prezidenti Tuyqun Nadirov məlumat verib.
Onun sözlərinə görə, Lənkəran təmsilçisi hazırlıq prosesi müddətində xaricə getməyəcək klublar arasında turnirə qatılacaq.
Nadirov bir müddət avval komandadan ayrılan qapıçı Orxan Sadıqlının geri döndüyünü də söyləyib: "Orxan gəlib dedi ki, başqa klublardan istəyən var və getmək istəyirəm. Biz də problem yaratmadıq, müqaviləsinə qarşılıqlı şəkildə xitam verdik. Bir neçə gündən sonra baş məşqçiyə geri qayıtmaq istədiyini bildirib. "Xəzər Lənkəran"a kimlərin gəlib, kimlərin gedəcəyinə baş məşqçi qərar verir. Baş məşqçi fikrində qətidirsə, Orxan komandada qalacaq. O bizim dəyərli yetirmələrimizdən biridir".
