"Rəvan"ın baş məşqçisi Bəhmən Həsənov istefa verəcək. Bu barədə Sportnet.az-a 55 yaşlı mütəxəssisin özü məlumat verib.
Onun sözlərinə görə, istefaya səbəb komandada yaranan maliyyə problemləridir. Artıq 2 aydır maaş ala bilməyən komandanın baş məşqçisi məşqləri boykot edən futbolçularla görüşəcəyini deyib: "Yunis Hüseynovun "Xəzər Lənkəran"ın baş məşqçi postundan istefa qərarını alqışlayıram. Belə getsə, mən də eyni addımı atacağam. İstefa ilə bağlı qərarımı 2 günə açıqlayacağam".
B.Həsənov komandanın sabah start götürəcək "CBC Sport Kuboku"ndan imtina etdiyini deyib. O bildirib ki, komanda bu heyətlə turnirdə iştirak edə bilməz.
Qeyd edək ki, bu gün "Xəzər Lənkəran"ın baş məşqçisi Yunis Hüseynov tutduğu vəzifədən istefa verib.
