Çempionlar Liqasında III təsnifat mərhələsinin cavab oyunları çərçivəsində "Qarabağ"ın Avstriya "Zalsburq"u ilə keçirəcəyi səfər matçını AFFA rəhbərliyi də izləyəcək. Sportnet.az-ın məlumatına görə, AFFA-nın prezidenti Rövnəq Abdullayev, vitse-prezident Elşad Nəsirov, baş katib Elxan Məmmədov və Peşəkar Futbol Liqasının prezidenti Ramin Musayev "Qarabağ"ı dəstəkləmək üçün bu gün Zalsburq şəhərinə gedib.
Qeyd edək ki, oyun Bakı vaxtı ilə saat 23:30-da başlanacaq və AzTV vasitəsilə canlı yayımlanacaq.
