Rumıniyanın "Universitatya" komandasının futbolçusu Raul Kostin Zaqatala "Simurq"unu tərk etməsinin səbəbini açıqlayıb. Sportnet.az-ın məlumatına görə, 29 yaşlı yarımmüdafiəçi Zaqataladakı şəraitin ailəsi ilə birgə qalmasına problem yaratdığını bildirib.
Rumıniyalı oyunçu deyib: "Zaqatala Bakıdan 6 saat uzaqda idi. Biz stadionun yaxınlığındakı kompleksdə qalırdıq. İlboyu təlim-məşq düşərgəsində qaldım. Müqaviləmlə bağlı problem də var idi. Anlaşma şərtləri elə əlverişsiz idi ki, ailəmi özümlə apara bilmirdim. Mənim əkiz övladlarım var. Belə gənc yaşımda ailəmdən aralıda qala bilmirdim".
Qeyd edək ki, "Universitatya"nın baş məşqçisi "Xəzər Lənkəran"da Mirça Rednikin köməkçisi olmuş Mihay Tejadır. Kluj komandasında "ağ-yaşıllar"ın sabiq futbolçusu Nikolae Muşat da çıxış edir.
Qeyd edək ki, "Universitatya"nın baş məşqçisi "Xəzər Lənkəran"da Mirça Rednikin köməkçisi olmuş Mihay Tejadır. Kluj komandasında "ağ-yaşıllar"ın sabiq futbolçusu Nikolae Muşat da çıxış edir.
