Serbiyanın "Partizan" klubunun baş məşqçisi Marko Nikoliç avqustun 16-da Bakıya "Neftçi"nin oyununu izləməyə gəlməyib. Sportnet.az-ın məlumatına görə, 35 yaşlı mütəxəssis ötən gün öz komandasının yerli çempionatda "Radniçki" ilə səfər matçında iştirak edib.
"Partizan"ın 4:1 hesablı qələbəsi ilə yekunlaşan görüşdən sonra hətta yetirmələri ilə meydan sahiblərinin qapıçısı arasında paltardəyişmə otağı önündəki dəhlizdə baş vermiş toqquşmaya da müdaxilə etməli olub.
Qeyd edək ki, ötən gün "Bakı" ilə Topaz Premyer Liqasının II tur matçından sonra "Neftçi"nin baş məşqçisi Böyükağa Hacıyev 1:0 hesabı ilə qalib gəldikləri görüşü "Partizan"ın baş məşqçisinin də izlədiyini bildirib.
