Serbiya "Partizan"ının baş məşqçisi Marko Nikoliç "Neftçi" ilə Avropa Liqasının ilk "pley-off" matçına türkiyəli Hüseyin Göçekin baş hakim təyinatını təəccüblə qarşılayıb. Sportnet.az-ın məlumatına görə, 35 yaşlı mütəxəssis Göçeklə bağlı ünvanlanan sualı ironiya ilə cavablandırıb.
Jurnalist ondan soruşub: "Bakıdakı cavab görüşünə Çernoqoriyadan olan referinin təyin olunacağını gözləyirsiniz?"
Nikoliç isə deyib: "Daha yaxşı olar ki, baş hakim elə Serbiyadan olsun".
Qeyd edək ki, "Partizan"la "Neftçi" arasında ilk oyun avqustun 21-də Belqradda, cavab qarşılaşması isə bundan bir həftə sonra Bakıda olacaq.
