Azərbaycan milli komandasının yeni futbolçusu Dmitri Nazarovun Özbəkistan yığması ilə yoldaşlıq görüşündəki zəif çıxışı hətta komanda yoldaşlarının səbr kasasını daşırıb. Sportnet.az-ın məlumatına görə, milliləşdirilmiş legioner heç nə ilə yadda qalmasa da, baş məşqçi Berti Foqts sonadək ona şans verib.
Almaniya "Karlsrue"sində çıxış edən hücumçunun ötürmələrdə tez-tez səhvə yol verməsi son dəqiqələrdə Əfran İsmayılovu özündən çıxarıb. Epizodların birində İsmayılov Nazarova kəskin formada etiraz edib. Nazarov ona cavab qaytarmasa da, komanda yoldaşı narazılığını ehtiyat oyunçular skamyasında oturanlar və tribunalarla bölüşüb.
Qeyd edək ki, Azərbaycan - Özbəkistan matçı qolsuz tamamlanıb.
