Bu gün Azərbaycan çempionu "Qarabağ" Avropa Liqasında mübarizəyə qoşulacaq. Sportnet.az-ın məlumatına görə, baş məşqçi Qurban Qurbanovun komandası "pıey-off" mərhələsində Hollandiya "Tvente"si ilə ilk oyununu keçirəcək.
Görüş Tofiq Bəhramov adına Respublika stadionunda baş tutacaq. Bu matçadək "Qarabağ" Çempionlar Liqasının təsnifat mərhələlərində 2 rəqiblə üz-üzə gəlib. Malta "Valletta"sı üzərində 1:0 və 4:0 hesablı qələbələrdən sonra Avstriyanın "Zalsburq" klubuna 2 oyunun cəmində uduzan (2:1, 0:2) təmsilçimiz qitə miqyaslı yarışlarda mübarizəni Avroliqada davam etdirməli olacaq. Hollandiya çempionatını bürünc medalla başa vurmuş "Tvente" isə mübarizəyə birbaşa Avroliqanın "pley-off" mərhələsindən başlayacaq.
Amma iki komanda 2009-2010-cu il mövsümündə də Avroliqanın "pley-off"unda üz-üzə gəlib. Həmin vaxt Hollandiyada meydan sahibləri 3:1 hesabı ilə qalib gəlib. Bakıdakı görüşdə isə qol vurulmayıb - 0:0.
21 avqust
Avropa Liqası, "pley-off" mərhələsi, ilk oyun
21:00. "Qarabağ" (Azərbaycan) - "Tvente" (Hollandiya) - 0:0
Baş hakim: Manuel Qrafe (Almaniya)
"Qarabağ": 13. İbrahim Sehiç, 2. Qara Qarayev, 5. Maksim Medvedev, 14. Rəşad Sadıqov (k), 25. Ansi Aqolli, 55. Bədavi Hüseynov, 9. Reynaldo, 10. Muarem Muarem, 11. Danilo Dias, 20. Riçard Almeyda, 41. Leroy Corc.
"Tvente": 1. Nik Marsman, 2. Kuko Martina (k), 4. Darrl Laxman, 5.Robert Şilder, 17. Rasmus Benqtsson, 8. Kayl Ebesilio, 22. Kamohelo Mokotdzho, 7. Yuness Moxtar, 10. Hakim Ziyeh, 30. Lyuk Kastanyos, 33. Kasper Kusk
Salam, dəyərli oxucular. Sportnet.az Tofiq Bəhramov adına Respublika stadionundan "Qarabağ"la Hollandiya "Tvente"si arasındakı Avropa Liqasının ilk "pley-off" matçının mətn yayımına başlayır. 30 mindən çox tamaşaçı tutumuna malik stadion demək olar ki, tam dolub. Komandalar meydana daxil olurlar.
Oyun başladı.
3` "Qarabağ"ın müdafiə xəttindəki anlaşılmazlıq az qola təhlükə ilə sonuclanacaqdı. Amma son anda "Tvente"nin hücumçusu qapıya zərbə endirə bilmədi.
5` Aqolinin cinahdan zərbəsini rəqib qapıçı çətinlik çəkmədən tutur.
6` Reynaldo cərimə meydançası çölündən topu ələ keçirərək, qapıya zərbə endirdi. Topaz qapıdan azacıq aralı keçdi.
12` "Qarabağ" qola yaxın oldu. Rəqibdən topu alan Dias cərimə meydançasına daxil olsa da, zərbəsi zəif alındı.
14` "Qarabağ"dan daha təhlükəli hücum. Kombinasiyalı oyun nəticəsində Medvedev qapı qarşısına ötürmə verdi. Amma "Tvente"nin müdafiəçisi Reynaldonu qabaqladı.
17. "Tvente" də borclu qalmır. Kusk zərbə mövqeyinə çıxsa da, "Qarabağ"ın müdafiəçiləri topu kənara çıxarırlar.
22` "Tvente" az qala hesabı açacaqdı. Yeni transfer Hakim Ziyehin qapı qarşısına asmasına Şehiç vaxtında müdaxilə edə bildi.
28` Medvedev cinahda topu ələ keçirsə də, rəqib müdafiəçi onun təhlükəli zərbə endirməsinin qarşısını aldı.
29` "Qarabağ"da erkən əvəzləmə. Leroy Corcu Vüqar Nadirov əvəzləyir.
30` Nadirov meydana girər-girməz təhlükəli zərbə endirir. Qapıçı topu çətinliklə çıxarır.
34` Nadirov yenidən zərbə mövqeyinə çıxsa da, ötürmə etmir və zərbəsi qapının üstündən keçir.
36` Bir-biri ilə mübahisə etdikləri üçün Medvedevlə Kostanyosa sarı vərəqə göstərildi.
37` "Tvente"nin hücumu təhlükəli alındı. Şehiç irəli çıxaraq, qola imkan vermədi.
40` Nadirov qapıçı ilə təkbətək çıxsa da, yaxın məsafədən zərbəsini qapıçı qaytara bildi.
42` Zayeh zədələnərək, meydanda uzun müddət qalsa da, "Qarabağ" uzun müddət sonra topu kənara çıxardı.
45` Kobud oynadığı üçün Kuska da sarı vərəqə göstərildi.
45` İlk yarıya 1 dəqiqə artırıldı.
Birinci hissə başa çatdı.
İkinici hissə başladı.
48` Zayehin cinah asması təhlükəli alındı. Şehiç topu qapı xəttinin üstündə tutdu.
50` Reynaldo qapıçı ilə təkbətək çıxarılsa da, referi ofsayd qeydə aldı.
56` "Qarabağ"da növbəti əvəzləmə. Diasın əvəzinə Cavid Tağıyev meydana daxil oldu.
58` "Tvente" az qala hesabı açacaqdı. Ziyehin qüvvətli zərbəsini Şehiç dəf edə bildi.
60` Kastanyos az qala təkbətək çıxaacaqdı. O, Hüseynovu keçə bilsə də, Şehiç özünü vaxtında yetirərək, topu tutdu.
61` Aqolinin cinah ötürməsini Muarem dəqiq zərbə ilə tamamlaya bilmədi. Hücumun davamında Reynaldonun fərqlənməsinə imkan verilmədi.
66` Meydanda kiçik toqquşma baş verir. "Tvente"nin təhlükəli hücumunun qarşısını almaq istəyən Şehiçə qarşı Benqtson kobud oynayır. Mübahisənin böyüməsinə hakim imkan vermir.
67` "Qarabağ"dan son əvəzləmə. Muaremin əvəzinə Ələsgərov meydana girir.
69` "Tvente" də dəyişiklik edir. Kusku Tim Hölşer əvəzləyir.
71` Reynaldo Ələsgərovu zərbə mövqeyinə çıxarsa da, gənc futbolçu topa çatmır.
72` Zayehin uzaqdan zərbəsini Şehiç tutdu.
76` Aqolinin cinah ötürməsinə Nadirov ayaq qoya bilmədi və "Tvente"nin müdafiəçisi topu çölə çıxardı.
77` Reynaldonun zərbəsi zəif alındı.
78` "Tvente"də əvəzləmə. Zayehin əvəzinə Şadrax Eqan meydana girdi.
Aqoliyə qarşı kobud oynayan Hölşerə sarı vərəqə göstərildi.
88` Eqan Şehiçin irəlidə olduğunu görərək, uzaqdan zərbə endirdi. Top qapının üstündən keçdi.
90+3` "Tvente"nin qapısı qarşısında qarışıqlıq. Reynaldo yaxın məsafədən qol vura bilmədi.
Almeydanın uzaqdan zərbəsi qapıdan azacıq aralı keçdi.
Matç başa çatdı.
