"Biz cütün favoriti hesab olunuruq. Üstəlik doğma meydanda mübarizə aparacağıq". Sportnet.az-ın məlumatına görə, bu sözləri İtaliya milli komandasının futbolçusu Leonardo Bonuççi "Avro-2016"nın seçmə mərhələsində yığmamızla qarşılaşacaqları oyundan öncə deyib.
27 yaşlı müdafiəçi Xorvatiya ilə oyun öncəsi Azərbaycan üzərində qələbənin vacib olduğunu bildirib: "Norveç ilə oyundakı uğurun davamını gətirəcəyik. Matçın favoriti hesab olunsaq da, rəqibə hörmətlə yanaşmalıyıq. Azərbaycan millisi bizə qarşı yaxşı motivasiya olub. Bizi qarşıda Xorvatiya ilə ağır oyun gözləyir. Buna görə də Azərbaycanla oyunda yaxşı nəticə qazanmalıyıq".
Qeyd edək ki, İtaliya - Azərbaycan oyunu oktybarın 10-u, Bakı vaxtı ilə saat 23:45-də başlayacaq.
