Bu gün "Qalatasaray" klubunda prezident seçkiləri keçiriləcək. Sportnet.az-ın məlumatına görə, Bakı vaxtı ilə saat 12:00-da başlayacaq səsvermə zamanı klub 35-ci prezidentini seçəcək.
"Sarı-qırmızılar"ın 8544 fəal üzvündən 6814-ü səsvermədə iştirak edəcək. 15 sandıq təşkil ediləcək və səsvermə saat 17:00-da başa çatacaq.
Qeyd edək ki, prezidentliyə iki namizəd var. Bunlar Alp Yaman və Duyqun Yarsuvatdır. 2011-ci ildən kluba rəhbərlik edən Ünal Aysal isə namizədliyini irəli sürməyib.
