Bakı 2015 Avropa Oyunları idman azarkeşlərinin gələn ilin yayında keçiriləcək yarışlara bilet ala bilməsi üçün öz rəsmi veb-saytında Qeydiyyat səhifəsi açıb. Sportnet.az-ın məlumatına görə, sayt beynəlxalq və azərbaycanlı idman azarkeşlərinə Oyunların idman proqramı üzrə nəzərdə tutulan biletlərdəki yeniliklər və Bakı 2015-lə bağlı son xəbərlər üçün müraciət imkanı yaradır.
Oyunlara doğru geri sayım davam edir və qeydiyyatdan keçən hər kəs ən son yeniliklər haqqında mütəmadi e-mail alacaq. Geniş ictimaiyyət üçün isə bilet satışı rəsmən gələn il açıq olacaq.
Qeydiyyat səhifəsi Bakı 2015 Avropa Oyunlarının Bilet satışı üzrə Rəsmi Dəstəkçisi olan Tickethour şirkəti tərəfindən hazırlanaraq, tətbiq edilib.
Qeyd edək ki, I Avropa Oyunları gələn il iyunun 12-dən 28-dək keçiriləcək.
