Qılıncoynatma üzrə rusiyalı olimpiya çempionu Olqa Knyazeva vəfat edib. Sportnet.az-ın məlumatına görə, 61 yaşlı sabiq çempion Tatarıstanın Kazan şəhərində dünyasını dəyişib.
Knyazeva bu gün torpağa tapşırılacaq. Mərhumla vida mərasimi Kazanda yerləşən "Dinamo" idman kompleksində keçiriləcək.
Qeyd edək ki, Olqa Knyazeva qılıncoynatmanın rapira növü üzrə 1975-ci ildə dünya çempionu olub. O, bir il sonra Monreal Yay Olimpiya Oyunlarında qızıl medala yiyələnib.
