FİFA yığma komandaların növbəti reytinq cədvəlini açıqlayıb. Sportnet.az-ın ali futbol qurumunun rəsmi saytına istinadən verdiyi məlumata görə, Azərbaycan millisi 5 pillə irəliləyərək 131-ci yerdə qərarlaşıb.
Robert Prosineçkinin başçılıq etdiyi yığma komandanın aktivində 222 xal var. Siyahının ilk 3 pilləsinin sahibləri dəyişməyib. Aktivində 1729 xal olan Almaniya reytinq siyahısına başçılıq edir. İki və üçüncü pillələrdə isə müvafiq olaraq Argentina (1534 xal) və Kolumbiya (1456 xal) yığmaları qərarlaşıb.
Qeyd edək ki, Əfqanıstan, Türkmənistan, Qazaxıstan yığmalarını qabaqlayan Azərbaycan millisi Fələstin, gürcüstan, Lixtenşteyn kimi ölkələrdən geri qalır.
