Türkiyə I Liqasında XXII turun son oyununda "Adanaspor"la "Samsunspor" üz-üzə gəlib. Sportnet.az-ın məlumatına görə, görüş meydan sahiblərinin qələbəsi ilə yekunlaşıb - 2:1.
Qonaqların heyətində yeganə qolu 58-ci dəqiqədə "Xəzər Lənkəran"ın sabiq futbolçusu Qalin İvanov vurub. Lakin 61-ci və 90+2-ci dəqiqələrdə Ahmet Dereli fərqlənərək, komandasının qalibiyyətini təmin edib. "Adanaspor"un azərbaycanlı müdafiəçisi Cəmşid Məhərrəmov görüşü sonadək ehtiyat oyunçular skamyasından izləyib.
Qeyd edək ki, bu qələbə sayəsində xallarını 28-ə yüksəldən "Adanaspor" 11-ci pilləyə qalxıb. "Samsunspor" isə 33 xalla 7-ci pillədə qalıb.
