Türkiyə Super Liqasının XXIII turunun oyunları keçiriləcək. Sportnet.az-ın məlumatına görə, turun mərkəzi görüşü Kadıköydə baş tutacaq.
"Fənərbaxça" doğma meydanda "Qalatasaray"ı qəbul edəcək. Bugünkü qarşılaşmada əzəli rəqiblər 380-ci dəfə qarşı-qarşıya gələcək. İlk dəfə 1909-cu ildə tərəflər arasında keçirilən görüşdə "sarı-qırmızılar" 2:0 hesablı qələbəni bayram edib.
106 illik rəqabətdə "Fənərbaxça" 143 dəfə meydanı qalib qismində tərk edib. "Qalatasaray" isə 122 dəfə rəqibini məğlub edib. 114 qarşılaşmada isə bərabərlik pozulmayıb.
"Sarı-lacivərtlilər"in qol sayında da üstünlüyü var. Rəqibinin 527 qoluna "Qalatasaray" 480 qolla cavab verib.
Qeyd edək ki, "Fənərbaxça" - "Qalatasaray" derbisi bu gün Bakı vaxtilə saat 21:00-da start götürəcək.
