Honduras Kubokunda "Deportivo Maraton" və "Real Espanya" komandaları arasında keçirilmiş 1/4 final mərhələsinin cavab görüşündən sonra meydana azarkeşlər girib. Sportnet.az-ın məlumatına görə, olay nəticəsində toqquşma baş verib.
"Deportivo" matçı 2:0 hesablı qələbə ilə başa vursa da, iki oyunun cəmində uduzub - 3:4. Bundan qəzəblənən fanatlar qonaq komanda futbolçularını döymək üçün meydana axışıblar. Amma "Real Espanya"nın kapitanı hündürlüyə tullanaraq, azarkeşlərdən birinin sifətinə təpiklə zərbə endirib. Həmin an videogörüntülərdə də əksini tapıb.
İki komanda azarkeşləri arasındakı qarşıdurma isə faciəvi sonluqla nəticələnib. "Real Espanya" fanatlarından birinin ölümcül döyüldüyü bildirilir.
