İranın paytaxtı Tehranda keçirilən şahmat üzrə qadınlar arasında dünya çempionatının qalibi müəyyənləşib.
Sportnet.az-ın məlumatına görə, Çin qrossmeysteri Tan Çjunyi qızıl medal qazanıb.
O, finalda Ukrayna şahmatçısı Anna Muzıçuka qalib gəlib. Həlledici görüşdə 4 partiyada hesab bərabər olub - 2:2. T.Çjunyi rəqibini tay-breykdə 1,5:0,5 hesabı ilə üstələyib.
Qeyd edək ki, T.Çjunyi çempion titulunu qorumaq üçün "Qran-pri"nin qalibi olmuş digər çinli şahmatçı Szyuy Venszyunla qarşılaşacaq. Görüş 2018-ci ildə Rusiyanın Xantı-Mansiysk şəhərində keçiriləcək.
