Türkiyənin paytaxtı Ankarada keçirilən 2016-cı il Rio-de-Janeyro Yay Olimpiya Oyunlarına lisenziya xarakterli qadın voleybolçular arasında Avropa təsnifat turnirinə yekun vurulub. Sportnet.az-ın məlumatına görə, finalda Rusiya ilə Hollandiya yığmaları qarşılaşıb.
Görüş şimal qonşularımızın qələbəsi ilə yekunlaşıb - 3:1 (25:21, 22:25, 25:19, 25:20). Bununla da Rusiya millisi son zamanlar münasibətlərində gərginliyin yarandığı Türkiyədə olimpiadaya yeganə lisenziyaya sahib çıxıb.
