Çimərlik voleybolu üzrə 2015-ci ilin Hollandiya çempionu Stiven van de Velde 4 il müddətinə həbs olunub. Sportnet.az-ın məlumtına görə, səbəb kimi 21 yaşlı idmançının yetkinlik yaşına çatmayan qızı zorlaması göstərilib.
O, 12 yaşlı britaniyalı qızla 2014-cü ilin yayında internet vasitəsilə tanış olub. Qız həmin vaxt 19 yaşında olan voleybolçunu Böyük Britaniyaya dəvət edib. Bir müddət sonra onların arasında intim əlaqə baş verib. Sevgilisi bunu zorlama saymasa da, yerli qanunlara əsasən, yaşı səbəbindən bu, önəm kəsb etməyib. Van de Velde isə qızın yaşından xəbərdar olduğunu etiraf edib.
Voleybolçu Böyük Britaniyaya ekstradisiya olunub və orada günahkar sayılaraq, 4 illik həbsə məhkum edilib. Məhkəmə onun, yanında valideyni olmayan 18 yaşadək uşaqlara yaxınlaşmasına qadağa qoyub.
