Voleybolçu qadınlar arasında Azərbaycan Super Liqasında ilk finalçı müəyyənləşib. Sportnet.az-ın məlumatına görə, bu, "Telekom" komandasıdır.
"Rabitəçilər" "Lokomotiv"i ikinci yarımfinal matçında da yenməyi bacarıb. "Telekom"un finaldakı rəqibi isə martın 30-da müəyyənləşəcək. Həmin gün "Azəryol"la "Azərreyl" üçüncü dəfə yarımfinal qarşılaşmasında üz-üzə gələcək. Bugünkü görüşdə "dəmiryolçular" 2:3 hesabı ilə uduzub. Bununla da ümumi hesab bərabərləşib - 1:1.
"Azəryol" – "Azərreyl" - 3:2 (22:25, 27:25, 29:27, 20:25, 15:13) (ümumi hesab - 1:1)
"Telekom" - "Lokomotiv" - 3:2 (25:21, 22:25, 25:20, 19:25, 16:14) (ümumi hesab - 2:0)
