Bakıda voleybolçu qadınlar arasında 2018-ci il dünya çempionatının Avropa zonası üzrə E qrupunun oyunlarına start verilib.
Sportnet.az-ın məlumatına görə, ilk turun hər 3 qarşılaşmasında eyni hesab qeydə alınıb.
Azərbaycan milli komandası Norveçi, Hollandiya Danimarkanı, Ukrayna isə İsraili çətinlik çəkmədən yenib.
Beləliklə, ilk turdan sonra Azərbaycan, Hollandiya və Ukrayna hərəyə 3 xalla E qrupuna başçılıq edir. Danimarka, Norveç və İsrail isə xalsızdır. Mayın 31-də keçiriləcək ikinci tur oyunlarında Hollandiya Norveçlə, Danimarka İsraillə, Azərbaycan isə Ukrayna ilə üzə-üzə gələcək.
Qeyd edək ki, bütün görüşlər Bakı İdman Sarayında keçirilir.
-------------------
Bu gün voleybolçu qadınlar arasında 2018-ci il dünya çempionatının Avropa zonası üzrə seçmə mərhələsi çərçivəsində Bakıda E qrupunun oyunlarına start veriləcək. Sportnet.az-ın məlumatına görə, bu qrupda Azərbaycan millisi ilə yanaşı, Hollandiya, İsrail, Ukrayna, Danimarka və Norveç də yer alıb.
Bakı İdman Sarayında keçiriləcək 5 turluq mübarizənin yekununda qrup lideri Yaponiyada keçiriləcək Mundiala birbaşa vəsiqə qazanacaq. Qrupda ikinci yeri tutan komanda isə digər 5 qrupda ikinci yerin sahibləri ilə birgə qalan 2 vəsiqə uğrunda mübarizə aparacaq.
Bu baxımdan, Azərbaycan millisini gərgin rəqabət gözləyir. Faiq Qarayevin baş məşqçi olduğu komanda "Bakı 2017" IV İslam Həmrəyliyi Oyunlarında qızıl medal qazandıqdan sonra Bolqarıstanda təlim-məşq toplanışında olub. Yerli yığma ilə hər iki qarşılaşan Azərbaycan millisi əvvəlcə 0:3, ardından 1:3 hesablı məğlubiyyətlərlə üzləşib.
Dünya çempionatının seçmə mərhələsi
E qrupu
15:00. Danimarka - Hollandiya - 0:3 (12:25, 13:25, 9:25)
Hakimlər: Mixail Temelis (Yunanıstan), Sanya Miklosiç (Serbiya)
17:30. Azərbaycan - Norveç - 3:0 (25:15, 25:10, 25:6)
Hakimlər: Sabine Vitte (Almaniya), Roberto Boris (İtaliya)
20:00. İsrail - Ukrayna - 0:3 (22:25, 20:25, 11:25)
Hakimlər: Bruno Muha (Xorvatiya), Saşa Stanişiç (İsveçrə)
