Avropa çempionatına hazırlaşan qadın voleybolçulardan ibarət Azərbaycan milli komandası təlim-məşq toplanışını Qubada davam etdirəcək.
Azərbaycan Voleybol Federasiyasından Sportnet.az-a verilən məlumata görə, bu gündən etibarən Azərbaycan Dövlət İqtisad Universitetinin Quba Tədris-İdman və İstirahət Kompleksində start götürəcək hazırlıq prosesi iyulun 20-dək davam edəcək.
Məşqlərdə ilk "14”lüyə Faiq Qarayev, ikinci komandaya isə Adnan Kistak rəhbərlik edəcək.
Avropa çempionatına hazırlıqla əlaqədar iyulun 22-də Bakıda, 25-də isə Göygöldə test yarışı nəzərdə tutulub.
Qeyd edək ki, Azərbaycan yığması 22 sentyabr – 1 oktybar aralığında baş tutacaq Avropa çempionatında Almaniya, Macarıstan və Polşa milliləri ilə birgə A qrupunda yer alacaq.
