Qadın voleybolçular arasında Türkiyə Sultanlar Liqasının XX turunda Azərbaycan millisinin üzvü Polina Rəhimovanın şərəfini qoruduğu "Fənərbaxça” "Vakıfbank”la üz-üzə gəlib.
Sportnet.az-ın məlumatına görə, "Sarı-lacivərdlilər”in 1:3 hesabı ilə məğlub olduqları matçda Rəhimova da iştirak edib. Millimizin üzvü komandasına 24 xal qazandıraraq ən məhsuldar oyunçu olub. İlk set gərginliyi ilə yadda qalıb. Birinci set "Vakıfbank"ın 29-27 hesablı qələbəsi ilə başa çatıb. "Fənərbağça" voleybolçuları ikinci setdə də üzülüb - 17- 25. 3-cü setdə özünə gələn "Sarı-lacivərdlilər” seti 25-21 hesablı üstünlüklə başa vurub. 4-cü set isə oyunda sonuncu olub. "Vakıfbank" bu setdə rəqibini 25-20 hesabı ilə üstələyib.
Qeyd edək ki, bu nəticədən sonra "Vakıfbank" 54 ikinci, "Fənərbağça" isə 43 xalla 4-cü pillədə qərarlaşıb.
