Voleybolçu qadınlardan ibarət Azərbaycan milli komandası Qızıl Avropa Liqasında V tur matçına çıxıb.
Sportnet.az-ın məlumatına görə, C qrupunda yer alan yığma səfərdə İspaniya ilə üz-üzə gəlib. Valyadolid şəhərindəki "Huerta del Rey" stadionunda keçirilmiş qarşılaşma meydan sahiblərinin qələbəsi ilə yekunlaşıb - 3:0 (25:12, 26:24, 25:22).
Bu, Covanni Kapraranın baş məşqçi olduğu millinin ardıcıl 5-ci məğlubiyyəti olub. Hazırda Azərbaycan 1 xalla qrupda axırıncı yeri tutur. Sonuncu turda yığma səfərdə Finlandiya ilə üz-üzə gələcək. Görüş iyunun 15-də Mikkeli şəhərindəki "Saimaa" arenasında keçiriləcək.
