Türkiyə I Liqasında V tura start verilib. Sportnet.az-ın məlumatına görə, Azərbaycan millisinin qapıçısı Kamran Ağayevin çıxış etdiyi "Karşıyaka" komandası "1461 Trabzon"u qəbul edib.
Görüş qonaqların qələbəsi ilə yekunlaşıb. Meydana start heyətində çıxan Ağayev 7 dəqiqə ərzində qapısından 3 top buraxıb. O, 62-ci dəqiqədə Hasan Batuhan Artarslanın, 65-ci dəqiqədə penaltidən Emrullah Kokoçun, 68-ci dəqiqədə isə Yoann Aksel Kiryak Arqvinin qollarına əngəl ola bilməyib.
Bu nəticədən sonra "Karşıyaka" 5 oyundan 5 xalla 11-ci pillədə qərarlaşıb.
