"Sumqayıt" klubu ikinci yoxlama oyununu keçirib. Sportnet.az-ın klubun rəsmi saytına istinadən məlumatına görə, rəqib AZAL olub.
Oyun "Sumqayıt"ın 4:1 hesablı qələbəsi ilə yekunlaşıb. Bu oyunda "gənclik şəhəri" təmsilçisindən Amil Yunanov 2, Ağabala Ramazanov və Xəyal Nəcəfov hərəyə 1 dəfə fərqlənib. Yeni transfer Vaqif Cavadov isə meydana çıxmayıb.
Qeyd edək ki, "Sumqayıt" növbəti yoxlama oyununu yanvarın 13-də səfərdə AZAL-a qarşı keçirəcək. Baş məşqçi Samir Abasovun komandası ilk yoxlama matçında isə I Divizion təmsilçisi "Şərurspor"la heç-heçə edib - 1:1.
