Futbol üzrə Moldova milli komandasının baş məşqçisi İqor Dobrovolski komandanın Xorvatiya və İsveçrəyə qarşı keçirəcəyi yoldaşlıq oyunları üçün geniş heyətini açıqlayıb. Sportnet.az-ın məlumatına görə, komandaya dəvət alan futbolçular arasında Azərbaycanın AZAL klubunun qapıçısı Stanislav Namaşkonun da adı var.
O, sonuncu dəfə 2 il bundan öncə milliyə dəvət alıb. Heyətə ümumilikdə 27 futbolçu daxil edilib.
Moldova yığması mayın 27-də Xorvatiya, bir həftə sonra isə İsveçrə ilə qarşılaşacaq. Hər iki oyun səfərdə keçiriləcək.
