Ukraynanın Çabanı şəhərində Beynəlxalq Velosipedçilər İttifaqının 1.2 kateqoriyalı birgünlük “Sülh uğrunda Horizon Park” yarışı keçirilib.
Sportnet.az-ın məlumatına görə, veloturda Azərbaycanın Elit yığmasının üzvü – Ukraynanın “Lviv” kontinental klubunun velosipedçisi Elçin Əsədov da iştirak edib.
145 km məsafəni 3 saat, 38 dəqiqəyə qət edən Əsədov finiş xəttini 7-ci keçib və bununla da ölkə reytinqinə "Tokio-2020" Yay Olimpiya Oyunları üçün daha 5 lisenziya xalı qazandırıb. Yeri gəlmişkən, o həm də şərəfini qoruduğu “Lviv” komandasının yarışda iştirak edən üzvləri içərisində ən yüksək nəticə göstərib.
